9.9 C
Ohrid
четврток, октомври 1, 2020
Почетна Македонија Искасана левата рака на дете од куче скитник во Аеродром

Искасана левата рака на дете од куче скитник во Аеродром

Translate (Eng):[gtranslate]

Дете каснато од куче-скитник. Имено, вчера попладне, во скопската населба Аеродром детето било нападнато додека се движело по булеварот „Србија“. Од нападот тоа се здобило со повреди во пределот на левата рака. Случајот на полицијата и го пријавил неговиот татко.

Во овој дел од населбата зачестија случаи на напади на кучиња скитници врз граѓаните. Тоа се должи на се поголем број кушиња околу оваа сообраќајница, но и во близина на бројните станбени згради.

Активистите за заштита на животните веќе со месеци предупредуваат дека застојот во третманот на овие животни од страна на градските власти резултира со нивниот се поголем број.

РЕКЛАМА

-Процесот на стерилизација на бездомните кучиња е запрен. Немањето интерес, знаење, концепт, сенс продуцира најмалку 6.000 нови кучиња во Град Скопје за само половина година, алармираше пред извесно време во интервју за „Скопско ехо“, Столе Велковски од здружението „Анима мунди“.

Градските власти до сега најавуваа дека овој голем градски проблем ќе почне да се решава со профункционирањето на стационарот „Вардариште“ кој се уште се реновира. А одамна се прави и ново градски претпријатие „Лајка“. Но, веќе подолго време нема најави кога тие ќе стартуваат со работа.

Во меѓувреме, се зголемува како бројот на кучињата, за жал и на повредените граѓани.

skopsko exo

- Реклами -