Бедри Истрефи, извршниот директор на јавното телекомуникациско претпријатие Телеком на Косово, се чувствува засрамен поради неговата месечна плата од 5.180 и побарал таа да му се намали, јавува дописникот на МИА од Приштина.
Во интервју за ТВ Дукаѓини, Истрефи вели дека барањето за намалување на платата го поднел еден месец по преземањето на задачата во јануари минатата година, но дека тој самиот не може да го стори тоа.
– И на претходниот управен одбор поднесов писмено барање за намалување на платите, еден месец откако ја презедов функцијата. Се чувствувам засрамен во каква ситуација раководам, а имам една таква плата. Немам право себеси да си ја намалам платата. Оваа плата која ја имам денес јас ја затекнав во Телеком – изјави Истрефи.
