Во ова време – невреме, денови на неспокој и немир предизвикани од коронавирусот градоначалникот на Дебрца ни сподели несекојдневна, поведра сторија, која исполнува со позитивна енергија.
Белчишта е едно од ретките села кое се карактеризира со голем број на штркови, кои ги свиле своите гнезда по покривите , по оџаците на куќите, на плевните, бандерите.
Тие се предвесници на пролетта, кои секогаш во исто време, по прелетани илјадници километри, без грешка се враќаат во своето гнездо, а во средината на август повторно заминуваат.
Деновиве еден пар штркови со денови се измачувал да го свие своето гнездо на бандерата, непосредно до зградата на општината. Штрковите вредно работеле, ама тешко им одело па градоначалникот дошол до една интересна идеја како да им помогне на птиците.
Со телескопската дигалка ангажирана од општината и електромонтажната екипа на ЕВН Охрид се постави специјална платформа-корпа за нивното гнездо.
Штрковите прво си заминале, ама денес повторно се вратија и продолжија да си го доградуваатгнездото…
Нашиот народ велит дека доколку штркот изгради гнездо на вашата куќа, на вашиот оџак, тоа ви носи и среќа.
Се надеваме дека и овојпат ќе биде така и штрковите ќе ни донесат среќа на сите♥️
Па создравје нека си седат напиша градоначалникот на социјалните мрежи
