Црниот биланс за починати лица од корона вирусот се искачи на 57. Во изминатото деноноќие битката ја изгуби 80 годишен скопјанец кој неколку дена бил хоспитализиран на Инфективната клиника. Од оние кои се на болничко лекување во оваа клиника и во 8ми септември, според последните информации 12 пациенти се на респираторна машина.
Во последното деноноќие потврдени се 26 нови случаи на Ковид 19 во земјава, со што вкупната бројка до денеска е 1326 лица.
Главниот град повторно е на врвот на листата по заболени, со 11 новозаразени. Следува Струга, каде се регистрирани 6 нови случаи. Во Тетово има три, а во Куманово два нови случаи. Во Битола, Гостивар, Виница и Неготино има по еден позитивен пациент на КОВИД 19 во последните 24 часа.
Но статистиките даваат позитивни сигнали – министерот Филипче вели дека последното деноноќие се евидентирани 36 оздравени пациенти, а голем дел се лекуваат во домашни услови.
