22.9 C
Ohrid
петок, јуни 6, 2025
ПочетнаМакедонијаМаксим Димитриевски тврди дека воопшто немал корона- бара државата да испита какви...

Максим Димитриевски тврди дека воопшто немал корона- бара државата да испита какви тестови користи

spot_imgspot_imgspot_imgspot_img
spot_img

Точни ли се резултатите од тестовите за коронавирус кои ги спроведува Министерството за здравство? Ова прашање се поставува откако градоначалникот на Куманово, Максим Димитриевски пред една недела на тестирање од Центарот за јавно здравје беше позитивен на Ковид 19, за сега по тестови направени во две приватни лаборатории да биде негативен на коронавирусот. Алфа стапи во контакт со првиот човек на Куманово, тој вели државата треба да си ги провери тестовите, бидејќи нејасно е како нивните покажуваат едни резултати, а оние на приватните лаборатории други.

<

–Сакам да ве информирам и Вас и јавноста дека заедно со сопругата почитувајќи ги сите безбедносни протоколи и процедури направивме тестирање на Ковид 19 на сопствена сметка во неколку релевантни лаборатории во државата, воедно претходно и тестирање од страна на ЦЈЗ Куманово на сите членови од моето семејство. Сите тестови се НЕГАТИВНИ, порача на Фејсбук Максим Димитриевски.

Димитриевски веќе писмено побарал од епидемиолошката служба при Центарот за јавно здравје Куманово, да ги разгледа резултатите од тестирањата, доколку е потребно да се направи повторен тест, и под итно да достават барање укинување на решенијата за самоизолација, како за него и неговото семејство, така и за сите негови контакти кои биле посочени во епидемиолошката анкета.

–Се надевам дека моето барање ќе биде итно разгледано и реализирано во рамки на процедурите бидејќи покрај негативните тестови здравствената состојба на мене и семејството е добра и не постојат никакви симптоми ниту показатели на инфекција од Ковид 19 со цел да се вратам на секојдневните работни обврски и заедно со мојот тим во Општинскиот штаб за заштита и спасување да продолжам со борбата против епидемијата во нашиот град и државата, пишува на Фејсбук Димитриевски.

Покрај Димитриевски, и раководителот на регионалниот центар за управување со кризи, Горан Стојановски, кој е член на кумановскиот кризен штаб, тврди дека е негативен на Ковид 19. Од поодамна во јавноста постојат сомнежи дека Куманово е жртва на внатрепартиска битка во владејачката СДСМ, тие станаа уште поголеми бидејќи Владата не ги прифаќа барањата на Општинскиот кризен штаб за карантин на градот. Откако тестот на Димитриевски стана негативен бура реакции има и на социјалните мрежи. Аналитичарот Алекандар Пандов се сомнева дека власта вака се справува со политичките непријатели.

–Верувам и во најтоталитарните режими, не им текнало сега своите политички непријатели да ги елиминираат со тоа што човекот ќе го прогласат за ,,позитивен“ на корона и го пикаат две недели во домашен притвор, која тие ја нарекуваат самоизолација!, пишува Пандов.

За некакви дворски игри обвинуваше токму и Димитриевски. Вели дека страшно се лажело од лица кои не смеат да го прават тоа во овие моменти, бидејќи одговараат за здравјето на сите граѓани. На Фејсбук реагираше и аналитичарот Ивор Мицковски, вели станува се поочигледно дека некој од властите опасно лажел и вели дека ова не покажува ништо добро за состојбите во СДСМ и уште помалку за лидерскиот врв на партијата.

Автор  – Матеја Петровски  Извор- Алфа ТВ

 

 

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Костадинов: Нема да дозволам Муртино да биде заборавено, тоа не е политичка партија

Градоначалникот на Струмица, Костадин Костадинов на својот Фејсбук профил пишува дека нема да дозволи селото Муртино да биде заборавено. Обилните врнежи предизвикаа сериозни штети во...

Општина Кочани почнува со уривање на дивоградбите на трошок на газдите

Општина Кочани најави дека започнува со уривање на дивоградбите во градот, а трошоците планира да ги наплати од сопствениците на дивоизградените објекти. По трагедијата што...

Курбан Бајрам, најзначајниот празник во исламкиот верски календар по Рамазанскиот Бајрам

Муслиманите во Македонија и ширум светот денеска го слават Курбан Бајрам, најзначајниот празник во исламкиот верски календар по Рамазанскиот Бајрам (Фитр Бајрам). За да...

Данела до Елмази: Ќе ти објаснам уште еднаш ама читање до 4 одделение се учи

Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. Мухамед Елмази бидејќи се закануваш, ајде...