Во недела ќе биде тестирано потесното семејство на покојникот кој беше погребан со сите рутуали, а постмортем е докажан позитивен на Ковид. Информацијата за НОВА ја потврди директорот на Центарот за јавно здравје, Арбен Зибери. Семејството одбивааше да се тестира, а одбиваа да ги кажат и контактите кои биле на погребот, околу 200 луѓе. Тестирањето започнува со асистенција на МВР и Министерството за здравство.
„Да ќе ги тестираме членовите на потесното семејство, околу 15-20 луѓе. Тие попуштија и договорено е во недела да ги тестираме членовите на најтесното семејство, а потоа според епидемиолошка анкета ќе видиме кои ќе бидат следни за тестирање“, изјави директорот Зибери.
53-годишниот скопјанец од општина Чаир почина пред три дена, откако без знаци на живот бил однесен во приватна болница во Скопје, а посмртно е утврдено дека бил позитивен на Ковид-19. Семејството го погребало покојникот според традицијата, со сите рутуали, а на погребот присуствувале 200 луѓе.
Во изолација се ставени 9 вработени од проватната болница. Семејството три дена одбиваше да се тестира, а не ги кажуваа ниту луѓето кои биле на погребот. Конечно, откога се вклучи и МВР семејството ќе биде тестирано.
