Се поклонувам пред нашиот древен Охрид. Почнувам со поклон кон локалната самоуправа за враќањето на УНЕСКО сјајот на Охрид, порача лидерот на СДСМ Зоран Заев од граѓанската трибина во Охрид на вториот ден од изборната кампања. Верувам дека ќе опстоиме во враќањето на природните убавини на градот. Верувам дека ќе покажеме дека работиме , а не калкулираме. Сакам да ве стиснам за рака, да ве гушнам, сакав да ја пукнеме по една спортска, но треба да водиме грижа за здравјето оти само здрави може да ги исполниме плановите. Жалам што мораме вака да ја тераме кампањата преку видео стриминзи. Ќе дојде време ќе издржиме ќе ги фрлиме маските, но што прават нашите противници кои не можат да ги фрлат нивните постојани маски што ги носат – рече Заев
