Директорот на Светската здравствена организација, Тедрос Аданом Гребрејзус рече дека нема да има враќање на „старата нормалност“ во блиска иднина.
Тој им посочи на новинарите во Жeнева дека постои план за контрола на Ковид 19 со можност луѓето да продолжат со своите животи.
„Ни треба одржлива ситуација во која имаме контрола врз инфекцијата без целосно да ги затвориме животите и да влегуваме од едн карантин во друг“, посочи Гребрејес.
За да го направиме ова, Гебрејес наведува три чекори – намалување на смртноста и спречување на ширење на вирусот, зајакната и вклучена заедница која презема мерки за индивидуална заштита и силно државно раководство и комуникација.
„Ова може и мора да се направи“, додаде директорот на СЗО.
Тој повтори дека нема скратени патишта во борбата против пандемијата, а додека чекаме ефективна вакцина, мора да се стави фокус на употреба на антиинфективни алатки, кои сега се на располагање, за да се спасат животи.
РТС. ММС
