16 C
Ohrid
понеделник, октомври 26, 2020
Почетна Здравје и убавина Бил Гејтс: Вакцината за корона ќе треба да ја примите два...

Бил Гејтс: Вакцината за корона ќе треба да ја примите два пати а постарите може и трипати

Translate (Eng):[gtranslate]

Основачот на Мајкрософт Бил Гејтс изјави дека кога ќе се појави вакцина против коронавирус постарите лица ќе мора да примат и повеќе од две дози.

Трката за вакцина против коронавирусот и понатаму трае, но по сè се чини дека едно вакцинирање нема да биде доволно за заштита.

Новинарка од Си-би-ес њуз го прашала Бил Гејтс колку дози од вакцината ќе ни бидат потребни.

РЕКЛАМА

„Во моментов се чини дека ниту една од вакцините што се прават нема да биде доволна за заштита во една доза. Тоа беше надеж уште на самиот почеток. Можеби вакцините што ќе бидат направени подоцна позитивно ќе нè изненадат. Но, засега, како што стојат работите, не. Кога станува збор за постари лица, тие можеби ќе треба да примат повеќе од две дози“.

Пред околу десетина дена, Гејтс апелираше дека лековите за ковид-19 и потенцијална вакцина ќе бидат достапни на државите и луѓето на кои им е најпотребна, а не на „оној кој најмногу ќе плати“, велејќи дека потпирањето на пазарните услови ќе ја продолжи смртоносната пандемија.

„Ако едноставно дозволиме лековите и вакцините да отидат кај оној кој најмногу ќе плати, наместо на луѓето и местата каде што им се најпотребни, ќе имаме подолга, понеправедна и посмртоносна пандемија“, рече основачот на Мајкрософт во видео-пораката објавена за време на виртуелната конференција на тема за коронавирусот организирана од Меѓународното друштво за борба против СИДА.

- Реклами -