13 C
Ohrid
среда, октомври 28, 2020
Почетна Свет Зачленувањето на Северна Македонија во НАТО меѓу успесите на американската дипломатија

Зачленувањето на Северна Македонија во НАТО меѓу успесите на американската дипломатија

Translate (Eng):[gtranslate]

Државниот секретар Мајк Помпео на одбележувањето на 231-та годишнина од формирањето на Стејт департментот синоќа ги истакна успесите на американската дипломатија во изминатата година, меѓу кои, го спомена и зачленувањето на Македонија во НАТО.

„Овој значаен датум е можност да се посочи на основната улога на нашата дипломатија во унапредување на интересите, безбедноста и економскиот просперитет на американскиот народ“, рече Помпео.

Тој, како што јавуива МИА од Вашингтон, ги пофалил кадрите во Стејт департментот за „исклучителната работа за промоција и презентација на нашите демократски вредности и унапредување на каузата за слободен, мирољубов и просперитетен свет“.

РЕКЛАМА

„Во годината што измина, продолживме со притисокот против режимот во Иран…, промовиравме мир во Авганистан… и на нашите сојузници и партнери им ја откривме вистинската природа на кинеската Комунистичка партија. Исто така, ја пречекавме Северна Македонија како 30-та членка на НАТО и објавивме план за имплементација на американската стратегија за жените, мирот и безбедноста, бидејќи да се даде власт на жените е правилно и тоа ќе го направи светот побезбеден“, се вели во соопштениото на американскиот државен секретар.

 

Во него се истакнуваат и огромните напори што САД ги прават во борбата со пандемијата на коронавирус дома и во светот.

 

 

 

 

- Реклами -