Во целост ви го прикажуваме Фб статусот на водителот Драган Милосављевиќ:
Да се стрела Апасиев!!!
Само предлагам, не сум Зола па да обвинувам. Минатиот пат имав добра идеја профата да биде обесен, но јавноста не се согласи со мене. Сега велам, ајде да го стреламе. На плоштад, под Воинот на коњ, или пред Триумфалната, само побрзо пред да ги урне Грчев – по избор на народот. Во стрелачкиот вод мора да биде Џабир обавезно, потоа Радмила (ако сака), Шилегов како градоначалник може почесно да пука „са леве стране“, Борјан, Тричко и „остали меинстрим“ исто може да се пријават, а Зоран Иванов мојот пријател не е лошо да рипне со падобран како бивш шампион и од горе да го докусури со бомба. Предлагам тоа да биде свечен чин, денот да се прогласи за неработен, МТВ и сите национални телевизии да прават пренос од шоуто. Имам некои солидни врски во Алфа, па гарантирам дека ние ќе пренесуваме. Во првите редови за гледање пожелно е да се нацртаат сите „критички настроени интелектуалци“, професори со завет за молчење, писатели-молчатели, уметници, активисти, опозициски новинари и особено уредници ќутолози, сите заедно како и секогаш молчешкум да ја одгледаат и оваа престава. А позади нив народот наш, граѓаните мирни, кротки, граѓаните подобни за секоја власт, граѓаните-робови, да гледаат како се пука во типот што го кажува она кое сите тие го мислат ама немаат храброст да го изговорат. Па потоа да наздравиме, во име на слободата.
П.С Апсолутно ми е сеедно каква судбина ќе има брадатиот и косат Шешељ (на Шилегов), но да се молчи денеска е злосторство во кое не сакам да учествувам. Па нека го стрелаат!
