Оваа година ќе биде запаметена како една од најтешките економски години, особено во секторот туризам. Угостителските објекти и естрадните уметници и вработените во овие сектори, претрпеа најголеми штети пишува веб порталот Галама.
Владата за да ја ублажи оваа состојва, воведе бесплатни ваучери за граѓаните, мерка која требаше да им овозможи да поминат неколку денови на езеро или планина, а истовремено, хотелите и сместувачките објекти, колку-толку да се опорават од тешката финансиска состојба.
Се чини дека мерката беше добра, немаше поплаки од ниту една страна, задоволни беа гостите, но и угостителите. Сепак, некои се обиедоа и од ова да направат „пародија“.
На социјалните мрежи забележавме статус кој опишува случка од Гевгелија, во која, млади луѓе од Скопје се дрзнале во хотел со 5 ѕвезди во Гевгелија, во собата да печат колбаси на тостер.
Ние не знаеме дали е ова вистина, но ви го пренесуваме статусот на корисникот на социјалната мрежа Твитер:
„Нишка на денот: Младо друштво од Скопје отишле на викенд во хотел со 5 ѕвезди во Гевгелија. Во текот на денот гостинка од друга соба се жали на непријатна миризба низ спратот.
Доаѓа обезбедување и гледа дека дечките ПЕЧАТ КОЛБАСИ НА ТОСТЕР ВО СОБАТА! Но тоа не е се.
Им го конфискуваат тостерот на рецепција и ќе им го вратат откако ќе си одат од хотелот.
Во меѓувреме се менува смената на рецепција, овие доаѓаат и викаат на новата требаше еден тостер да ни стигне, проверете дали е на рецепција. Оваа го гледа и им го враќа истиот тостер.
Погодувате што се случува потоа, нели? ИСТАТА гостинка се жали на иста миризба поручек. Доаѓа обезбедување и ги фаќа пак со колбасите на тостерот!
Гостите се отстранети од хотелот заедно со фамозниот тостер. Биле со ваучери за туризам. Немам инфо дали отишле во друг хотел.“
Извор: Галама
