Преку примената на ЕКМО технологија, во клиничката болница „Аџибадем Систина“, спасен е животот на 45-годишниот пациент заболен од Ковид-19.
Пациентот, со име – Астрит Селимај, бил примен во болницата со исклучително тешка здравствена состојба, со особено напредната ковид-пневмонија.
Поради тоа, истиот бил приклучен на респираторна машина, а по конзилијарно мислење на тимот на доктори од „Аџибадем Систина“ и инфектолог од ГОБ „8-ми септември“, пациентот бил префрлен на ЕКМО апарат, кој што всушност бил пресуден за неговото преживување.
Инаку, Астрит е првиот пациент во Македонија кој што е излекуван со примена на таа технологија.
„Клиничката болница „Аџибадем Систина“ е прва на Балканот којашто го примени ЕКМО апаратот за лекување на ковид-пациeнт. Без ЕКМО технологијата, пациентот немаше да преживее. Отсега па натаму сметам дека овој апарат ќе се применува и при лекувањето на други пациенти со тешки компликации. ЕКМО aпаратот е единствената машина која може да му подари нов живот на пациентот“, вели д-р Каламарес.
