9.5 C
Ohrid
петок, март 14, 2025
ПочетнаМакедонијаПочина момчето на кое му беше извршена првата тансплантација на коскена...

Почина момчето на кое му беше извршена првата тансплантација на коскена срцевина во државава

spot_img

Дваесет и четиригодишниот Филип Димишковски, кој беше првиот пациент на кој пред две години му беше извршена тансплантација на коскена срцевина од несроден дарител на скопската Клиника за хематологија денеска почина, дознава „Фокус“.

<

Според нашите информации, на младиот пациент му се вратила болеста, акутна миелобластна леукемија и починал од компликации од септична состојба, која се јавила во тек на лекувањето на рецидивот на основната болест, после година ипол по извршената трансплантација.

– Advertising –

Болеста му била откриена пред три години и откако никој од семејството не бил компатибилен да му дарува матични клетки, со лекарите одлучиле да бараат од несроден дарител.

Тогаш, здравствените власти се пофалија дека првпат во Македонија е извршена таква трансплантација и дека ќе влезе во историјата на македонската медицина.

„Остваруваме сон на многу генеации хематолози. Покрај 18 години примена на сродна трансплантација, од денеска се врши и несродна трансплантација на матични хематопоетски клетки. Станува збор за сложена биолошка процедура, со која се лекуваат најтешките заболувања на крвта, а сега се отвора можност покрај домашните, да се лекуваат и странски пациенти на Клиниката за хематологија“, рече тогаш директорката д-р Ирина Пановска Ставридис.

Филип во октомври лани волонтираше и им помагаше на децата што се борат со малигни болести на Клиниката за детски болести. Според објавените фотографии, тој заедно цртал со нив, боел и ги учел првите букви.

Информациите на „Фокус“ ги потврдија и од Клиниката за хематологија и се очекува во текот на наредните неколку денови здравствените власти да проверат што се случило.

За операција на коскена срцевина, која е една од најскапите интервенции, досега се одвојувале меѓу 110.000 и 120.000 евра, а во некои случаи и до 250.000 евра, во зависност од земјата и видот на самата интервенција.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Пуцко Петрол: Никогаш не сме доставувале мазут до ЕСМ

Компанијата „Пуцко Петрол“ тврди дека непотребно се споменува во целиот случај, и никогаш не доставувала мазут до ЕСМ. . Компанијата „Пуцко Петрол“ тврди дека непотребно се...

Уапсен велешанец, низ тераса им ја фрлал дрогата на муштериите

Вчера во 09.10 часот, по преземени мерки и активности, полициски службеници од Отсекот за недозволена трговија со дрога при СВР Велес го лишиле од...

Доживотен затвор за Елвин Куртовиќ за убиството кај Мавровка

Судијката Моника Бахчовановска го осуди Елвин Куртовиќ на доживотен затвор за убиството кај Мавровка, пренесе 4news. Убиството се случи на 20-ти август минатата година кај...

Протест во сабота против изградба на регионална депонија во Новаци

И покрај уверувањата на властите дека изградбата на регионалната депонија во Новаци нема да има негативни импликации битолчани се помасовно даваат поддршка за саботниот...