9.1 C
Ohrid
среда, октомври 21, 2020
Почетна Македонија Полициски службеник бил прегазен во Скопје додека мерел со радарот !!! (Видео)

Полициски службеник бил прегазен во Скопје додека мерел со радарот !!! (Видео)

Translate (Eng):[gtranslate]

Двајца млади скопјани се приведени откако ноќеска околу еден часот по полноќ на булеварот „Борис Трајковски“ прегазиле полицаец кој мерел со радар, во моментот кога требало да ги сопре зарази брзото возење..19 годишното момче кое го управувало возилото „Цитроен Берлинго“ и неговиот 21 годишен сопатник, по инцидентот побегнале, но како што велат од МВР, набрзо потоа биле пронајдени и приведени, за што ке добијат и соодветна пријава.

Министрите за внатрешни работи и здравство Оливер Спасовски и Венко Филипче денеска беа во посета на повредениот полицаец кој е хоспитализиран на клиниките „Мајка Тереза“ и е надвор од животна опасност.

„Се надеваме дека повредениот полициски службеник што поскоро ќе закрепне и ќе се врати повторно да им служи на граѓаните“, напиша Спасовски на Фејсбук и повтори дека напад врз полициски службеник е сериозно кривично дело и такви постапки нема да се толерираат.

РЕКЛАМА

Во меѓувреме, МВР го расчистува и случајот и со нападот на дрвокрадците врз петтемина полициски службеници ,кои беа фатени на стариот пат Приле-Велес. Кривични пријави заработија 10 лица што учествувале во инцидентот поради „напад врз службено лице при вршење работи на безбедноста“, соопшти полицијата. Сите десетмина дрвократци се приведени и предадени на обвинителството.

И додека од една страна има случаи на нападнати полицајци, денеска во Битола се протестира против полициска бруталност. Со транспаренти во рацете и скандирања „нема правда, нема мир“ дел од граѓаните го искажаа незадоволство поради последниот инцидент во кој полицајци претепаа тројца битолчани од ромска националност. Во среда, пак, во Битола се најавуваат и контра протести за поддршка на полицајците, кои експресно заработија кривични пријави и суспензија поради инцидентот.

 
канал 5

- Реклами -