7.4 C
Ohrid
петок, јануари 24, 2025
ПочетнаМакедонијаАпасиев: Без пожарникари не можеме а без Шилегов можеме !!!!!

Апасиев: Без пожарникари не можеме а без Шилегов можеме !!!!!

spot_img

Самоволието и арогантниот однос од страна на функционерите на СДС од ден во ден стануваaт се почести. Наместо да се решаваат проблемите со коишто се соочуваат работниците, тие се соочуваат со неспособноста на градоначалникот на Град Скопје – Петре Шилегов, којшто пак соочен со притисокот од сериозноста на ситуацијата, полека но сигурно го губи допирот со реалноста, обвини „Левица“.

<

„ Последниот испад на Шилегов се однесува на реалните и очекувани барања на противпожарната бригада од Автокоманда, коишто единствено го бараат она што им следува согласно ризичноста на работното место – надомест за ризик на работно место!

Наместо да наидат на разбирање кај „таткото“ на Град Скопје, работниците беа пречекани со крајно несериозен и игнорантски однос. Имено, Шилегов не понуди никакво решение, туку напротив, тој ги нападна и уцени работниците. Шилегов очигледно заборави на ветувањата на премиерот Заев од минатата година на средбата со претставниците на Независниот синдикат, кадешто соопшти дека се обезбедени финансиски средства за плати на сите пожарникари согласно закон и дека има зголемување на средствата за 70 милиони денари за 2020 година.

Доколку градоначалникот тврди дека одговорноста е во централната власт, која трансферира блок – дотации, тогаш нека праша во својата партија, зошто има средства за платите на советниците на Заев, кои се двојно поголеми од платите на пожарникарите! Додека коалициониот партнер ДУИ и новиот министер за финансии, Фатмир Бесими тврдат дека нема ингиренции кои можат да спречат да се исплаќа плата на вработените во администрацијата, кои патем не одат на работа и дека ова нема фискални импликации, од друга страна пожарникарите не можат да си ги добијат ниту платите за коишто работеле и им следат по закон.

Ние како политичка партија, којашто се залага за правата и интересите на работничката класа, најостро го осудуваме однесувањето на градоначалникот Шилегов и бараме од него, конечно да започне да ги решава проблемите со коишто се соочуваат овие работници, како и проблемите општо во градот, во спротивно, нека си признае дека е неспособен и нека си даде оставка.

Воедно упатуваме целосна поддршка за противпожарната бригада од Автокоманда и им порачуваме дека им стоиме на располагање со нашите капацитети во процесот на решавање на нивниот проблем“ велат од партијата.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Димитриевски ја покажа лузната од 27-ми април: Вистинските виновници не се изведени пред правдата

Максим Димитриевски коментирајќи ја одлуката на Кривичен суд за уважената амнестија за организаторите на 27-ми април, во студиото на ТВ21 ја покажа лузнат од...

Скандал во МВР: Исчезна автоматска пушка, осомничена полициска службеничка!

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење на организиран криминал и...

Скопски зет натепан од бабата и дедото.

На 22.01.2025 во 13.00 часот во СВР Скопје, 37-годишен маж од Скопје пријавил дека на подрачјето на Карпош, по претходно недоразбирање, бил физички нападнат...

Се уште не се знае колку дена била почината жената од Кавадарци и дали станува збор за убиство

Кавадарчани утрово ги вознемири веста дека во својот стан, каде живеела сама, е пронајдена почината 52-годишната Сузана С.С., а на нејзиното тело имало повреди. Телото...