13.9 C
Ohrid
сабота, март 15, 2025
ПочетнаМакедонијаЗаев денес ќе разговара со Меркел, а во ЕУ се води „битка“...

Заев денес ќе разговара со Меркел, а во ЕУ се води „битка“ на амбасадорско ниво

spot_img

Како дел од дипломатските напори на Берлин за приближување на ставовите на Скопје и Софија со цел одржување на првата Меѓувладина седница со ЕУ и почеток на преговорите на Македонија за време на германското претседателство премиерот Зоран Заев денеска ќе разговара со германската канцеларка Ангела Меркел.

<

Заев вчера изјави дека по завчерашниот разговор во Берлин на вицепремиерот Никола Димитров и министерот за надворешни рбаоти Бујар Османи со бугарската министерка Екатерина Захариева, има оптимизам и треба да има оптимизам во однос на решавање на прашањето со Бугарија кој го гледа и во обраќањето на Захариева, но и во фејсбук статусот на премиерот Бојко Борисов.

Заев кажа дека е добредојдена помошта од Германија и оцени дека даваат резултати честите комуникации помеѓу работните групи и минситрите од двете страни, бидејќи се работи за две пријателски земји.

„Сега сме ние на ред, Република Северна Македонија треба да ги отвори поглавјата преку првата Меѓувладина конференција. Се трудам да има целосно разбирање. Двете страни сакаат да има решение“, рече Заев.

Инаку, Меркел вчера имаше видео-конференциски состанок со бугарскиот премиер Бојко Борисов.

„Се заблагодарив за нејзината лична заложба и онаа на германското претседателство за барање формули да се овозможи почеток на преговорите на Република Северна Македонија за членство во ЕУ. Верувам дека со помош на Германија, особено за време на нејзиното претседателство со Советот на ЕУ ќе се донесат силни и правилни одлуки“, напиша Борисов на Фејсбук за разговорот, кој траел 40 минути.

По извесниот напредок постигнат во понеделникот во Берлин на средбата на Димитров и Османи со Захариева на инцијатива на нивниот германски колега Хајко Мас, продолжуваат дипломатските напори во насока на приближување на ставовите на двете страни со цел овозможување на одржување на првата Меѓувладина седница со ЕУ за време на германското претседателство.

Во Брисел сѐ уште се води битка и на амбасадорско ниво од страна на Бугарија во нацрт заклучоците за преговарачката рамка да влезат дополнителни забелешки, но, барем засега, бугарските барања не се прифатени, јави МИА од Брисел, повикувајќи се на дипломатски извори. Ако се постигне договор денеска амбасадорите на земјите членки ќе можат да ја усвојат преговарачката рамка, во спротивно тие повторно ќе се состанат на оваа тема в петок, со надеж дека до тогаш ќе се надминат разликите и ќе се отвори патот министрите на 10 ноември да дадат зелено светло на документот.

Извор МКД.мк

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Орбан: Србија и Македонија уште утре да се примат во ЕУ, а не Украина

Унгарскиот премиер Виктор Орбан денеска повика Србија и Македонија „уште утре“ да бидат примени во Европската унија, наспроти иницијативите на Брисел за брзо пристапување...

Универзитетската клиника за гинекологија и акушерство во Скопје воведува хирушки методи за третман на уринарна инконтиненција

ЈЗУ У ГАК ВОВЕДУВА МИНИМАЛНО ИНВАЗИВНИ ХИРУРШКИ МЕТОДИ ЗА ТРЕТМАН НА УРИНАРНА ИНКОНТИНЕНЦИЈА На Универзитетската клиника за гинекологија и акушерство во Скопје се одржа првата...

Градоначалникот Пецаков: Општина Охрид ќе добие финансиска поддршка за изработка на техничка документација за подготовка на нови проекти

Градоначалникот на Охрид, Кирил Пецаков, информира дека нашата општина ќе добие поддршка од страна на Фондот за техничка документација во износ од 3.418.650 денари,...

Притвор и за Асмир Јахоски, Кривичен суд ја преиначи одлуката

Кривичниот совет при Основниот кривичен суд Скопје донесе одлука за одредување мерка притвор од 30 дена за Асмир Јахоски, откако ја преиначи првичната мерка...