Австрија најави дека ќе затвори џамиите кои што се залагаат за радикален ислам, објави австриската новинска агенција АПА.
Министерот за внатрешни работи Карл Нехамер и министерката за култура Сузана Рааб најавија затворање на „радикалните џамии“ по смртоносниот терористички напад извршен од џихадист во Виена во понеделникот. Да потсетиме, во нападот загинаа четири лица.
Одлуката за затворање на џамиите кои пропагираат радикална верзија на исламот е донесена по состанокот со претседателот на Исламската заедница, Емит Вурал.
Се испитува и правниот статус и се разговара за затворање на исламистичките здруженија.
Според австрискиот Дер Стандард, една џамија ќе биде затворена во Виена, но не и онаа што ја посетувал терористот, убиен за време на нападот во Виена. Сепак, правниот статус на џамијата и бил одземен.
Во Австрија има околу 350 џамии кои работат во рамките на Австриската исламска заедница.
Деталите за затворањето на џамијата ќе бидат објавени на прес-конференција, јави АПА.
