Вевчанци бараат помош од државата за масовно тестирање и строги контроли на изолираните, од центарот за јавно здравје викаат Вевчани е новиот Вухан?!

Во врска со ситуацијата која сите сме затегнати, се огласи и претседателот  на ВМРО-ДПМНЕ ОК Вевчани Ѓорѓи Влајнкиноски.

Во целост ви го прикажуваме неговиот статус во врска со Ковид 19:

🗣️ Не сум ни малку стручен да говорам на оваа тема, ама сум многу загрижен со состојбава предизвикана од Ковид 19 во Вевчани.
Да не бидам ни погрешно сфатен, не ми е целта на обраќањево политичка.
Само си земам за право да споделам информација и да упатам апел и мое мислење базирано на мое истражување како се справуваат со жаришта во некои држави.
А да пишам ме поттикна вчерашната посета на Центарот за јавно здравје – Охрид. Таму ми рекоа дека Вевчани е Вухан, дека сите сме позитивни, освен оние што нѐ се тестирани.
Оттука, ја користам оваа можност да упатам апел до надлежните и оваа состојба да ја дигнат на повисоко ниво, на Вевчани потребна му е помош од државава:
1️⃣ Да се огранизира бесплатно масовно тестирање во Вевчани;
2️⃣ Масовна изолација;
3️⃣ Строга контрола на изолираните.
Само на таков начин ќе се стави состојбава под контрола, ќе се воспостави некаков ред, а со тоа ќе им се помогне и на нашите здравствени работници од Здравствениот дом “Д-р Светозар Чочороски” Вевчани, кои неуморно се борат неколку месеци, да можат да посветат внимание на случаите кои се со потешка клиничка слика.
Придржувајте се до препораките и чувајте се!