Пазарните испектори вчеравечер во Скопје затвориле три угостителски локали и едно студио за вежбање. Два угостителски објекти и вежбалната за јога не ги почитувале мерките односно забраната за работа по 21 часот, а третиот угостителски објект си ја скинал пломбата и повторно почнал да работи, без да се регистрира. Како што вели Стојко Пауноновски за Слободен печат, инспекторите ги собрале сите во два часот по полноќ.
Среде центарот на Скопје, синоќа инспекторите и полицијата здружено влегле во јога студио каде имало повеќе од 25 лица што полуголи вежбале јога и го затвориле студиото, тврди за Слободен печат директорот на Државниот пазарен инспекторат Стојко Пауновски.
– Полицијата ги избрка од јога студиото. Тие си мислеле дека може да работат до 24 часот, но јасно е со мерките и препораките за заштита во време на пандемија дека тоа не е така, ни изјави Пауновски.
Инспекторите синоќа имале полни раце работа и во баровите „Три кичен“, „Мош“ и „Холивуд“ кои исто така имале гости во алкохолизирана состојба кои бегале од споредни излези, но биле затекнати од органите на прогонот на излегување кои биле распоредени на сите излези, додава Пауновски.
слободен печат
