21.1 C
Ohrid
среда, август 4, 2021
Почетна Македонија Уште се преговара со кинески „Синохидро“ за продолжување на рокот за изградба...

Уште се преговара со кинески „Синохидро“ за продолжување на рокот за изградба на патот Кичево – Охрид

Translate (Eng):[gtranslate]

 

Во завршна фаза се преговорите со изведувачот „Синохидро“, каде е дефинирано до 31 декември 2023  година да се продолжи рокот за комплетирање на градежните работи на автопатот Кичево – Охрид, вели во интервју за МИА директорот на Јавното претпријатие за државни патишта Ејуп Рустеми.

Според него, рокот, се продолжува поради изработка на дополнителна проектна документација (испроектирана во рок од септември 2019-септември 2020) која беше неопходна за завршување на проектот. Врз основа на изработената проектна документација за автопат Кичево – Охрид, наведува Рустеми, се направи анализа за крајниот рок на завршување на работите која се темели на три аспекти и тоа: зголемен обем на работите, реализација на преостанати финансиски средства и решавање на дополнителната експропријација произлезена од дополнителната проектна документација.

РЕКЛАМА

Вкупниот прогрес на градежните работи по основниот договор изнесува 90 проценти, а 62 проценти според основниот договор и анекс договорот.

 

Изградбата на автопатот во должина од 57 километри почна во 2014, а по проблемите кои настанаа на трасата првичниот рок за завршување предвиден за 2018 година, со анекс на договорот беше пролонгиран за крајот на месецов.

Ohrid Sky

- Реклами -