Европратеникот и потпретседател на бугарската ВМРО-БНД, Ангел Џамбаски, по посетата на македонската владина делегација на Софија, со провокативно видео го повторува ставот дека Македонија е бугарска.
Само пред еден ден бугарските власти критикуваа за постоење говор на омраза во македонската јавност, меѓу политичарите и медиумите, но никој не кажа ниту збор за говорот на омраза во бугарската јавност.
„Македонија е бугарска. Факт, којшто нема потреба да се докажува. Факт којшто Зоран заев го заборава кога е во Скопје. И се потсетува само кога ќе побара нешто. Вистината не може да се заобиколи, а судбината на секој предавник е да биде отфрлен од историјата“, пишува Џамбаски на социјалните мрежи.
Во видеото кое е дел од предизборната кампања на ВМРО-БНД се вели дека Бугарија секогаш ја сакала Македонија, но не бивало Бугарија да биде изнудувана. Пораките што ги упатуваат се следни:
Пријателство се гради со доверба и доследност.
Вистината не може да се заобиколува.
Договорите, Заев, се двострани документи.
Вие одбивате да стоите зад вашиот потпис.
Бугарските патриоти ќе ја продолжат битката за својата вистина. Македонија е бугарска.
Под пораките се потпишани Бугарските патриоти – ВМРО, Волја и НФСБ
#Македония
е една, тя е българска и от двете страни на изкуствената граница живее #ЕдинНарод.
Който отстъпи и извърши национално предателство, ще бъде незабавно наказан от българския народ.
Да живее #България!
Да живее обединеното ни #Отечество!https://t.co/FlPZOt5M37 pic.twitter.com/uFgWl1yzuD
— Джамбазки (@djambazki) June 20, 2021
