Трагедија- Загина 18 годишно девојче пред наплатна рампа кај Куманово во судир на ауди и камион

Во тешка сообраќајна несреќа што се случила вчера пред наплатната рампа Романовце кај Куманово загина 18 годишно девојче, сопатничка во автомобилот ауди, додека младиот 20-годишен возач се здобил со тешки телесни повреди. Повреден е и 55-годишниот возач на камионот. МВР информира дека несреќета се случила синоќа во 21.55.

– Вчера во 21.55 часот во СВР Куманово било пријавено дека на автопат Скопје – Куманово, на околу еден километар пред наплатна станица „Романовце“, се случила сообраќајна незгода помеѓу патничко возило „ауди“, со кумановски регистарски ознаки, управувано од С.В.(20) од Куманово, и товарно возило „застава“, со кумановски регистарски ознаки, управувано од Д.В.(55) од кумановското село Старо Нагоричане. На местото на незгодата починала М.М.(18) од Куманово, сопатничка во возилото „ауди“, додека С.В. се здобил со тешки телесни повреди, а Д.В. се здобил со телесни повреди, констатирани во болницата во Куманово, велат од МВР.

На местото на несреќата веднаш пристигна јавен обвинител и екипа на СВР Куманово кои направиле увид, по што телото на починатото девојче е предадено на обдукција.

ОСТАВИ КОМЕНТАР

Please enter your comment!
Please enter your name here