Германската канцеларка Ангела Меркел ќе добива месечна пензија од речиси 15.000 евра откако ќе се повлече од функцијата, проценува Германската асоцијација на даночни обврзници.
Шеесет и седумгодишната Меркел ќе се пензионира по парламентарните избори во септември годинава. Пресметките се базираат на нејзиниот долг престој во Бундестагот, како и годините во кои била федерален министер и канцелар.
Како и сите поранешни германски претседатели и канцелари, така и Меркел, ќе има право на своја канцеларија кога ќе ја напушти функцијата. Таа исто така ќе добие средства за менаџер на канцеларија, двајца асистенти, дактилограф и личен возач, јави ДПА.
