Минисерката за образование Мила Царовска си го истера своето. Не помогнаа ниту протестите, ниту барањето на родителите на Референдум да се одлучува дали децата да учат од дигитални учебници – без да ги слуша советите од стручната фела, успеа и го направи она што го науми, а тоа е дигитализација на учебниците.
Царовска веќе е во агресивна кампања за промоција на првите дигитални учебници. Со нив за прв годинава ќе се соочат учениците од четврто одделение. За Царовска станува збор за историски исчекор на македонскиот образовен систем. За голем дел од наставниците, пак, но и родителите, тоа ќе значи нови проблеми, но и послабо организирана настава за децата. И дигиталните учебници ќе бидат една од главните причини за бојкотот на наствата од 1 септември кој се најавува.
– Создавањето на дигитални алатки, на дигитални учебници значи светлосни години скок во образовниот процес. Тоа значи дека нашите ученици денеска учат многу повеќе од мултимедијан материјал и тоа го прават новите генерации. Затоа создаваме материјали за учење кои се прилагодени на потребите на сегашните ученици, смета Царовска.
