Градоначалникот на Скопје на Фејсбук објави дека почна уривањето на трите галии.
„Првата од 3-те галии во коритото на Вардар, почна да заминува во историјата !!!
Скопје, една поинаква приказна ! – напиша градоначалникот и сподели фотографии.
Претходно, Судот донесе времена мерка со која го прекинува уривањето на галијата.
Времената мерка важеше сè додека траеше судскиот прцес во граѓанскиот суд меѓу Град Скопје и фирмата „Сервис“ која управува со галијата. Управителот на „Сервис“ не сакаше да ја коментира судската одлука.
Тогаш од Град Скопје информираа дека ќе поднесат нова жалба со која ќе бараат да продолжи уривањето на галијата.
„Очекуваме дека наредната недела ќе се продолжи со извршувањето“, велат од Град Скопје.
