Голема ширинка, многу клупи и центар на градот Велес – место идеално за вечерни излегувања и различни средби. Но, овде, во населбата Дворови во Велес, во саботата се случувал хорор наместо мирна летна вечер.
На ова место често се собираат младите, ни велат локалните жители кои живеат во близина и се навикнати на бучна околина. Неретко и реагираат.
Во велешката полиција пристигнала пријава дури утредента, односно во недела наутро. Девојчето само пријавило во полиција – нешто што не се случува често во ситуации како оваа кога штитеници на домот побегнуваат и се жртви на малтретирање. Две лица веќе се повикани на разговор.
Петнаесетгодишното девојче штитеничка на дом за деца без родители, во саботата попладнето се оддалечила од зградата кадешто е згрижена. Во полициската станица во Центар стигнала пријава дека девојчето е исчезнато.
Неколку часа подоцна, таа била во Велес – како што неофицијално дознава Телма, заедно со поголема група велешани со коишто таа се познавала. Била истепана, сексуално злоставувана, а потоа и веднаш однесена во болница на прегледи.
Петар Догов ВидеоТука Извор: Телма
