Канаѓаните Карен Мехојни и нејзиниот вереник Брајан Реј одлучиле да се венчаат на границата меѓу САД и Канада, а причината е далеку од ексцентрична. Имено, поради пандемијата и ограничувањата за патување, семејството на невестата не можело да присуствува на венчавката.
– За мене беше важно моите родители и баба, која има 96 години, да присуствуваат на венчавката, за да го видат најсреќниот ден во мојот живот. Сакавме да сведочат за нашата среќа – рече Карен.
Како што објасни, САД ги ограничија „помалку важните“ патувања на копнените премини со Канада на почетокот на пандемијата.
– Воздушниот сообраќај меѓу земјите е можен, но иако членовите на моето семејство се вакцинирани, мислам дека тоа ги става во поголем ризик, особено баба ми која е толку стара – рече таа, додавајќи дека имаат пријател кој работи на гранична патрола и кој помогнал да се биде организирано, и да се почитуваат ограничувањата.
Церемонијата се одржала на 25 септември на место што повеќе личи на ливада отколку на граничен премин.
Меѓу нив немаше ограда, но тие сепак се држеа на своја страна, младенците и родителите на младоженецот, блиските пријатели и матичарот стоеја на американска почва, а другите на канадско тло.
Вечер
