Лидерот на Левица, Димитар Апасиев вечерва во Кавадарци изјави дека очекуваат преку 60 советнички места на локалните избори. Во Кавадарци очекувале две до три советнички места. Смета дека на овој начин ќе ги расипат математиките на двете партии. Тој потсети дека имаат 45 листи со кандидати за советници.
Апасиев рече дека нив ги поддржуваат претежно млади луѓе. Тоа, според него, е нивната компаративна предност, во споредба со другите партии.
Според него, кампањата не е фер, затоа што како што нагласи, 90 проценти од колачот го земаат само четири партии.
