Шилегов да побара клубот кој го организирал скандалозниот камп да ги врати парите, а тој да се извини на скопјани. И во 2019 година, и во 2021 година град Скопје на чело со Петре Шилегов го финансира извидничкиот камп на кој малолетни деца сексуално и психолошки се трауматизирани, велат од ВМРО-ДПМНЕ.
Оттаму истакнуваат дека документите јасно покажуваат дека градот Скопје ги известил и средните училишта за оваа своја активност.
– Со тоа се покажува дека Шилегов точно знаел што прави и не може да бега од одговорност. Десетици деца ќе имаат долгорочни психолошки последици како резултат на скандалозниот камп кој меѓу другото е овозможен и од финансиите од Шилегов, додаваат од партијата.
Во соопштението се потенцира дека Шилегов најмалку што може да направи е да ги побара назад парите, и да се извини на скопјани.
– А, по промената на власта ќе има и детална истрага за сите можни злоупотреби, за никогаш повеќе да не се повтори, нагласија од ВМРО-ДПМНЕ.
