1.9 C
Ohrid
вторник, март 18, 2025
ПочетнаМакедонијаМВР молчи за наводната трговија со лавчиња – нема издадено дозвола за...

МВР молчи за наводната трговија со лавчиња – нема издадено дозвола за увоз на такви животни

spot_img

Веќе шест дена Министерството за внатрешни работи (МВР) не одговара на прашањата на Радио МОФ во врска со наводниот увоз на лавчиња во земјава, откако на социјалните мрежи се појавија повеќе фотографии и видеа на кои се гледаат повеќе лица кои позираат со мали лавчиња. Оттаму не одговорија на нашите прашања за тоа дали имаат информации за ваков случај, дали се води некаква постапка и кои закони се евентуално прекршени во овие случаи.

<

Од здружението за заштита на животни „Анима Мунди“ за Радио МОФ објаснуваат дека за случајот се информирани Министерството за внатрешни работи и Агенцијата за храна и ветеринарство (АХВ), но посочуваат дека од институциите досега не добиле никаков одговор.

„Но, во едно сме сигурни, дека овде се вклучени институции, т.е. некој институционално го прикрива внесот на животните. Овие животни не можат да поминат незабележително и на граница, во опкружувањето каде што нели овие ги пуштаат, шетаат, држат“, велат тие.

Дополнително, тие тврдат дека овие лица не се кријат, не прикриваат траги и докази, односно јавно се експонираат, додавајќи дека тие не се плашат ни од институциите.

Дека во земјава не била издадена ЦИТЕС (Спогодба за меѓународна трговија со загрозени видови на дива фауна и флора) дозвола за увоз на лавови, потврдува инспекторот Пејо Кировски од Државниот инспекторат за животна средина (ДИЖС) за Радио МОФ. Тој појаснува дека таквата дозвола ја издава Министерството за животна средина и просторно планирање (МЖСПП), а е потребна за влез во земјава. Исто така, додава, дозвола е потребна и од државата од каде се увезува животното.

„Лавовите за да влезат во Македонија значи треба да поминат граница. На граница има царинарници, полиција и инспектори од АХВ бидејќи вршат ветеринарен преглед, доколку легално се внесуваат. И во случајов станува збор за криумчарење, доколку има“, објаснува Кировски.

Доколку се открие дека во земјава има лавчиња, според закон тие можат да се одземат, но проблемот настанува отпосле, поради тоа што тие нема каде соодветно да се згрижат.

По Законот за природа, Кировски појаснува дека државата треба да има депозитар за одземени ранливи повредени видови во вакви случаи, нешто што во моментов не постои.

„Честопати во пресрет ни излегувала зоолошка градина, доколку има услови за одредени, затоа што на пример во ситуацијата тој вид не смее да се носи во зоолошка градина од причина што, таму има многу животни, може да предизвика одредени заболувања, болести, зарази. Треба да се направи ветеринарен преглед, треба да се чува во карантин и во соодветни услови“, вели Кировски.

Претходно, активистката за заштита на животни Тина Мицковска која го актуелизираше ваквиот проблем, за Радио МОФ изјави дека за случајот се информирани сите надлежни институции. Со праксата на шверцување лавчиња, објаснува таа, тие обично завршуваат во ресторани во мали кафези, каде, како што вели, немаат простор за движење со што е загрозена нивната благосостојба.

М.К.Извор: Радио Моф

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Хоспитализирани нови 20 случаи меѓу кои и три пожарникари

Директорoт на Фондот за здравствено осигурување на Македонија, Сашо Клековски, на неговиот Фејсбук профил објави соопштение поврзано со нови хоспитализации на лица повредени во...

Моника Спасова, мајка на едногодишно девојче, меѓу жртвите во Кочани

Во пожарот кој избувна во дискотеката „Пулс“ во кочани загина и младата инспекторка Моника Спасова, мајка на едногодишно девојче. Моника е, за жал, една...

Вкупно 72 пациенти од пожарот во клубот „Пулс“ во Кочани се лекуваат надвор од државата.

Вкупно 72 пациенти од пожарот во клубот „Пулс“ во Кочани се лекуваат надвор од државата, откако во текот на вчерашниот ден беше испратен уште...

За неколку часа над 120 Бугари даруваа крв во болницата Пирогов за настраданите од трагедијата во Кочани

Само во првите два часа повеќе од 120 луѓе дарувале крв за настраданите во трагедијата во градот Кочани, јавува БГНЕС, пренесува Трибуна. До крајот на...