12.1 C
Ohrid
четврток, април 24, 2025
ПочетнаМакедонијаФилипче за скринигот на учениците: Не е ништо страшно, обичен брис се...

Филипче за скринигот на учениците: Не е ништо страшно, обичен брис се зема – да видиме дали ќе откриеме асимптоматски деца

spot_imgspot_imgspot_imgspot_img
spot_img

Министерот за здравство Венко Филипче уште еднаш апелираше до родителите да одговорат позитивно на писменото барање за согласност од МОН нивните деца да учествуваат во скринигот на учениците низ училиштата во земјава.

<

-Моделот за скринингот е готов, задоцнивме една недела. Методологијата сега е подготовена и од утре ќе почнеме да бараме заедно со МОН писмена согласност од родителите. Очекувам скринингот да се спроведе до крајот на идната недела. Не е ништо страшно, обичен брис се зема исто како земање брис за детектирање на други причинители на горно-респираторни инфекции, за да видиме дали ќе откриеме асимптоматски носители на вирусот. Во моментов нема заболени и хоспитализирани деца, освен 10 до 15 деца згрижени само во болницата Козле. Засега немаме податоци за трансмисија во училиштата, рече министерот Филипче на денешната прес конференција.

Запрашан за тоа дали има универзален протокол за лекување на ковид-19, нагласи дека станува збор за сериозна болест која кај различни граѓани се манифестира со различна клиничка слика, па оттаму и зависно од хроничните болести на пациентите, се преминува кон лекување со посебни протоколи според манифестацијата на болеста. Оттаму, рече Филипче, многу е важна консултацијата со матичен лекар и потоа и со лекар специјалист, преходно зборувајќи и за случајот со лекарот „фантом“ кој во домашни услови лекувал пациентка која потоа починала во болница.

-За случајот со лекарот фантом, дознал лекар од ГОБ „8 Септември“ кога пациентката била таму примена во тешка состојба. Известено е МВР и се постапува по случајот. Ексклузивно право за лекување во домашни услови на пациенти има само матичниот лекар, нагласи министерот.

Тој рече дека се намалува бројот на новодијагностицирани случаи, па оттаму не се чекаат термини за терстирање.

-Имаме по 300-350 новодијагностицирани случаи и може да се тестираат во центрите за јавно здравје било кога, рече Филипче.

Министерот нагласи дека вакцинацијата дава ефекти, и нема зафатеност на болничките капацитети каде има поголем процентот на вакцинација, како на пример во Кавадарци каде 60 проценти од населението е вакцинирано. Презафатеност на капацитетите има само во градовите со низок опфат на вакцинација, дециден е министерот и додаде дека не очекува следниот бран да направи силен притисок кон болниците.

Наскоро, според новите мерки на Комисијата за заразни болести во затворените објекти ќе може да влегуваат само лицата вакцинирани со две дози од достапните вакцини, како дел од новите рестриктивни мерки.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Исчезнувањето на Симона не е пријавено во МВР!

Дали Симона, поради чие наводно исчезнување се крена земјата на нозе, навистина е исчезната? Официјално, барем до сега, никој не пријавил исчезнување на лице...

Христово Воскресение 2 ден во Дортмунд- Германија

Христово Воскресение 2 ден Дортмунд ____ На вториот ден Велигден,Македонската Црковна општина св.Кирил и Методиј од Дортмунд имаше чест да биде посетена од Неговото Високо преосвештенство...

Исчезната е Симона Стојкова- Доколку некој има информации веднаш да пријави во МВР !!!

Краток опис Симона Стојкова има кафена коса и кафени очи со висина од 175 см и е на возраст од 35 години. Носи наочари и...

Викторија Трајков: Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид...

Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид и околината,...