8.1 C
Ohrid
петок, октомври 15, 2021
Почетна Македонија Шилегов: Ќе именувам заменик-градоначалник Албанец, јас сум градоначалник што обединува

Шилегов: Ќе именувам заменик-градоначалник Албанец, јас сум градоначалник што обединува

Translate (Eng):[gtranslate]

Градоначалникот на Скопје, Петре Шилегов, на новинарско прашање за ставот во однос на темата отворена од лидерот на ДУИ, Али Ахмети, за претседател Албанец избран на избори, одговори дека е растоварен од национални предрасуди: „Сметам дека секој граѓанин во нашата држава има право да избира и да биде избиран“.

Шилегов укажа дека со именувањето на покојниот Енвер Малиќи за заменик-градоначалник покажал дека е растоварен од предрасуди и дека планира да го повтори тоа бидејќи верува во заедништвото на скопјани.

Скопје е град за сите, тоа го покажавме, тоа го докажавме. Јас сум градоначалник што обединува, кој гради мостови. Не сум градоначалник што ги дели луѓето на вакви и онакви ниту, пак, нашиот град го делам на лева и десна страна. Скопје е град што рамномерно се развива во изминативе четири години. Јас знам дека скопјани тоа го препознаваат и дека на тоа ќе одговорат силно на овие претстојни избори“, одговори Шилегов на заедничката прес-конференција со Висар Ганиу за инфраструктурата во Чаир.
Извор:MakFax

РЕКЛАМА
- Реклами -