28.9 C
Ohrid
сабота, јули 13, 2024
ПочетнаМакедонијаШилегов вети субвенции за ин-витро оплодyвање

Шилегов вети субвенции за ин-витро оплодyвање

Градоначалникот на Скопје, Петре Шилегов денеска одржа онлајн состанок со претставници на Здружението „До бебе по патот на ИВФ“ на кој се разговараше за потребите и предизвиците на двојките кои се соочуваат со неплодност, при што најави дека во неговата програма за работа за наредните четири години има вклучено и субвенции за млади брачни двојки кои имаат желба за потомство преку ин-витро.
– За остварување на желбата за потомство, го помагаме процесот на биомедицинско потпомогнато оплодување (БПО) преку финансиска поддршка на паровите. Го дополнуваме семејниот буџет за дополнителните трошоци што не се признаени со основните поволности на Фондот за здравствено осигурување или во дополнителен обид кој не е покриен од Фондот. Ја поддржуваме храброста и упорноста за посреќни семејства во нашиот град, порача Шилегов на состанокот.
Тој нагласи дека имајќи ги предвид укажувањата од здружението за финансиското оптоварување на двојките кои поминуваат низ БПО (ИВФ) процедурите и заложбите за поддршка на овие корисници и знаејќи ги реалните потреби, нив ги инкорпорирал во неговата програма за претстојните Локални избори.
– Свесен сум и информиран што се вклучува постапката на ИВФ, каков психолошки притисок се предизвикува кај двојките во нивните напори да формираат семејство и затоа се заложувам да ги поддржиме нашите граѓани преку бесплатен четврти обид или покривање на дополнителната терапија која не е дел од поволностите на ФЗО, истакна Шилегов.

На состанокот се разговараше и за потребата од отворање на Центар за поддршка на двојките кои поминуваат низ ИВФ постапка преку што ќе се овозможи психолошка поддршка, семејно советување и стручно медицинска поддршка преку стручни лица од секој сегмент на ИВФ.
– Се очекува оваа соработка да продолжи со цел заедно да создадеме полесни услови за нашите сограѓани во реализација на посакуваното родителство. Оваа активност во делот на здравствената заштита е предизвик и за локалната самоуправа бидејќи проблемите на нашите сограѓани се и проблеми на институцијата која најдиректно се поврзува со потребите на жителите. Моја обврска како градоначалник е да се грижам и за здравствените потреби на граѓаните и така ќе продолжам и во иднина, истакна Шилегов, кој е кандидат за градоначалник на Скопје на коалицијата предводена од СДСМ.
Од Здружението изразиле благодарност до градоначалникот за отворениот пристап и слухот за потребите на пациентите кои поминуваат низ ИВФ, додавајќи дека очекуваат нивните барања да бидат реализирани.
– Нашите заложби за ИВФ поволности и проширување на субвенциите за ИВФ конечно некој ги слушна. Разговаравме за што побрза реализација на нашите барања, финансиските поволности и отворање на центар за поддршка. Ова е многу важно за посреќни семејства и нови родители. Да се има можност секој пар и поединец да се оствари како родител по полесен и финансиски достапен пат. Од прашањето за наталитетот не смее да се бега, не смее да им се затвора вратата на луѓето кои имаат желба да станат родители. Сметаме дека треба да се изнајде решение за нас пациентите кој сме со ин-витро. Да ни се помогне и олесни патот кој го чекориме, патот до единствената наша цел: Да се оствариме и бидеме родители, изјави Зоја Самандова Петрушева, претседателка и основач на Здружение за хумана репродукција и биопотпомогнато оплодување „До бебе по патот на ИВФ“ од Скопје

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

„Повредата на бебето е настаната при земање крв за анализи“: Комисија ќе го истражува случајот на Детска клиника

Мемеди синоќа заедно со министерот за здравство Арбен Таравари го посетија семејството на тримесечното бебе. МАКЕДОНИЈА ВО ПОНЕДЕЛНИК „Повредата на бебето е настаната при земање крв за...

Во Грција- досега се наплатени 350.000 евра за нелегални лежалки

Властите истражиле „повеќе од 1.000 поплаки“ од јавноста на туристичките места како што се островот Крф, полуостровот Халкидики и Атика, регионот околу Атина, во...

Србин ја истепал сопругата, па ја оставил на автопат кај Демир Капија.

По тепачката сопругот го запрел возилото и ја оставил С.М. покрај патот, а потоа со автомобилот, во кој биле нивните малолетен син и внука,...

Бебе во тешка здравствена состојба оставено на улица во Велес

Бебе во тешка здравствена состојба оставено во центар на Велес, било пронајдено од случаен минувач кој веднаш го однел во болница. Настанот бил пријавен синоќа...