ФОТО: Судар во центарот на Скопје, автомобил заврши во споменикот на Свети Климент Охридски
На фотографијата се гледа едно од трите возила кои што учествуваа во тешката сообраќајна несреќа на скопскиот булевар „Климент Охридски“, во близина на Соборниот храм.
Има неколку повредени луѓе, од кои едно момче имало потешки повреди. Покрај полицијата интервенираше и Итната помош.
Автомобил по судирот се забил во споменикот на Свети Климент Охридски. Станува збор за силен и сериозен удар бидејќи во автомобилот се активирале и воздушните перничиња.
Сообраќајната несреќа се случила на влажен коловоз и по студено време околу 21 часот синоќа. За време на интервенцијата и увидот, сообраќајот се одвиваше отежнато. Увидот треба да ја открие причината за несреќата.
