Познатиот српски модел, ескорт-дама и поранешна плејбој-зајачица, Сораја Вуќелиќ, конечно се огласи по написите дека минатиот петок на 22 октомври таа и нејзиниот партнер биле исфрлени од една скопска кафеана.
Една од најекспонираните таканаречени старлети во регионот тврди дека не се случило ништо од наведеното.
„Бев во друштво на пријатели од Србија, а не со моето момче. Сопственикот на објектот ни пријде да не’ услужи, но кога сфати од каде сме изговори нешто многу непријатно, дека Србите не се добредојдени во неговиот локал каде сите се Албанци“, објаснува Сораја.
Кога го слушнала тоа, Вуќелиќ мирно го напуштила местото.
„Не сакам да седам онаму каде што моето друштво не е добредојдено, а најмалку сакам националистички испади. Постојано патувам по светот и никогаш не сум слушнала, ниту пак доживеала вакво нешто. Веднаш побаравме сметка и најнормално заминавме. Така всушност и настана спорното видео кое се врти по социјалните мрежи, а останатото е бујна фантазија“, завршува таа.
Извор: „Мастило“
