Денеска Собраниската комисија треба да продолжи дебатата за Буџетот 2022 година.
За опозициската ВМРО-ДПМХНЕ Предлог буџетот е нереален и неразвоен, ама тие и претходно најавија дека ќе бидат конструктивни за дебатата да се продолжи. Сметаат дека ќе следи ребаланс во првиот квартал и најавуваат интервенција на текстот со повеќе од 200 амандмани, меѓу кои пет против енергетската криза.
Од владејачката СДСМ апелираа на конструктивност и побараа буџетот да се донесе низ аргументирана дебата и без опструкции. Порачаа дека Буџетот е креиран врз основа на очекуваните економски придвижувања и има развојна компонента. Обезбедува, посочија, редовна исплата на плати и пензии, го следи правилото на јавните финансии и значително ги крати непродуктивните трошења
