Поранешниот министер на земјоделство Аријанит Хоџа на кафе со Муса Џафери – откако на социјалните мрежи се појави сликата како седат во кафуле, тој се огласи – не се работи за прегрупирања ама се налути зошто го следеле неговиот приватен живот.
Тој порача дека средбата не била тајна, туку седеле на јавно место, а тој како поранешен министер и како политичари се среќава со голем број на луѓе. Според него многу поважно е кој го следи и кој го фотографира.
-Како активна личност во политиката имам стотина средби со луѓе кои сакаат да разговараат за актуелните политички прашања. Прашањето што се поставува е: кои се луѓето кои го следат секој мој потег и дали ова е мониторинг со институционални инструкции и како безбедносните органи го оправдуваат нарушувањето на приватноста на еден министер во оставка од актуелната Влада. Ако растот на движењето Беса на некого им пречи, тоа е проблем на оние кои ја имаат оваа грижа, а не наш“, вели Хоџа во одговорот на својот фејсбук-профил.
