0.9 C
Ohrid
вторник, јануари 18, 2022
Почетна Свет СЗО предупредува за Омикрон варијантата

СЗО предупредува за Омикрон варијантата

Translate (Eng):[gtranslate]

Светската здравствена организација (СЗО) предупредува дека Омикрон варијантата на корона вирусот веројатно ќе се шири на меѓунарондото ниво, а тоа ќе биде глобален ризик.

Во најновото соопштение на СЗО се нагласува дека сè уште не е јасно дали Омикрон е попренослив (на пример полесно се пренесува од човек на човек) во споредба со другите варијанти, вклучително и Делта. Иако бројот на луѓе кои се позитивни на е зголемен во делови на Јужна Африка погодени од оваа варијанта, во тек се епидемиолошки студии за да се разбере дали тоа е токму поради Омикрон или и поради други фактори.

„Омикрон има голем број мутации, од кои некои се загрижувачки поради нивното потенцијално влијание врз текот на пандемијата“, додаваат од СЗО.

РЕКЛАМА

„Вкупниот глобален ризик поврзан со омикрон, се оценува како висок“, додаде СЗО.

Првата препорака до земјите-членки на таа организација е да ги прилагодат „мерките за меѓународно патување“, наведувајќи дека наскоро ќе бидат издадени подетални упатства.

„Постои загриженост за можноста омикрон да го избегне стекнатиот имунитет“, додаваат од Светската здравствена организација, истакнувајќи дека тогаш би постоела уште поголема веројатност за негово понатамошно ширење на глобално ниво.