Откако се разговарало за новиот Омикрон сој на корона вирусот кој веќе почна да влева страв низ европските земји, Филипче смета дека Епидемиолошката состојба е стабилна. Министерот за здравство смета дека затворање на граници и карантин на патници немало да даде ефект.
– Сметам дека рестрикција од затворање на граници и карантинизирање на патници нема да даде ефект, зошто е веќе детектиран во европските земји и видовме дека кога ќе се појави нов сој, тој не може да се спречи, рече министерот за здарвство Венко Филипче на денешната прес конференцијата.
Како што рече тој, ќе остане на овие мерки засега и ситуацијата ќе се следи.
– Ова е нов сој и допрва ќе дознаваме информации, но од она што го знаеме, нема потреба од рестрикција, рече Филипче.
Инаку омикрон е најновиот сој на коронавирусот со потекло од Јужна Африка. Викендов започнаа да се регистрираат и првите случаи низ Европа, по што низа земји одлучија да ги затворат границите особено за патниците од јужноафриканските земји.
Светската здравствена организација официјално рече дека омикрон претставува многу висок глобален ризик и земјите треба да се подготват. Сепак препорачаа државите да не прибегнуваат кон затворење на границите.
