Полицаец во Америка застрела човек во инвалидска количка со 9 куршуми. (Видео)

Ричард Ли Ричардс ја возел својата моторизирана инвалидска количка кон влезот на продавницата во Тусон кога полицаец извадил пиштол зад него.
Неколку моменти подоцна, вработен во соседниот Walmart го известил полицаецот дека го видел Ричардс како краде кутија со алат.

Вработените и полицаецот Рајан Ремингтон го придружувале Ричардс преку паркингот до друга продавница. Полицијата соопштила дека во еден момент Ричардс замавнал со нож кон вработениот, извикувајќи „еве ти ја сметката“.

Ремингтон го повикал да не влегува во продавницата и се упатил кон Ричардс во друштво на својата партнерка, полицајката Стефани Тејлора потоа испукал девет куршуми во грбот на 61-годишникот од непосредна близина и без предупредување и го убил, пишува Вашингтон пост. .

Началникот на полицијата во Тусон, Крис Магнус, изјавил за новинарите дека полицијата е решена да го отпушти Ремингтон. „Да бидам јасен, бев длабоко вознемирен од постапките на полицаецот Ремингтон. Неговата употреба на смртоносна сила во овој инцидент е очигледно кршење на политиката на овој оддел и е директно контрадикторна со обуката за употреба на сила“, рече тој. .

Градоначалничката на Тусон, Регина Ромеро, го опишала убиството на Ричардс како „бескрупулозен и неодбранлив“ чин и побарала истрага.

Адвокатот на Ремингтон претходно за Асошиетед прес изјавил дека неговиот клиент нема друга опција. „Имаше шокер, но мислеше дека не може да го користи бидејќи беше премногу далеку, а инвалидската количка беше меѓу него и Ричардс“, изјавил Мајк Стори.

Локалните медиуми јавуваат дека Ричардс во 2007 година бил осуден на 10 години затвор за обид за убиство, како и дека во 2019 година се изјаснил за виновен за криумчарење имигранти, за што бил осуден на повеќе од една година затвор.
канал5

ОСТАВИ КОМЕНТАР

Please enter your comment!
Please enter your name here