Како што пишува интернет порталот Курир.рс, познатиот балкански пејач на ромски песни Мухарем Сербезовски изјавил дека повеќе од пет децении бил лудо заљубен во за жал сега покојната кралица на ромската песна, Есма Реџепова.
Тој меѓудругото открива дека во тинејџерските денови биле лудо вљубени еден во друг и дека изгледале како Ромео и Јулија.
“Тоа беше многу одамна, кога имав 12 години. Настапував во разни културно-уметнички друштва во Македонија и во една прилика ја сретнав тогаш младата, но сепак, расна девојка која ја викнаа за да ја препее песната која јас ја пеев на ромски јазик, а другите на ја разбираа. Тоа беше Есма. Веднаш се заљубив во неа, а и таа во мене. Подоцна таа призна за некои медиуми кога ја прашувале за мене.
Нашата љубов згасна кога станав неподнослив, веројатно затоа што станав познат и популарен пејач. Есма и јас бевме циганските Ромео и Јулија”, изјавува пејачот Сербезовски.
Во меѓувреме, реагираше синот на Есма, Симеон Атанасов кој остро ја демантира веста и вели дека имало некој пред Стево, но тоа секако не бил Мухарем. Тој во својот демант вели:
“Како дете кое живееше со Есма Реџепова скоро 40 години се до нејзината смрт, и кое знае се за неа, сакам да изјавам дека мојата мајка немала било каква врска со Мухарем Сербезовски. Јас навистина незнам дали Мухарем има дадено ваква изјава и кога било тоа, но знам дека Есма и Мухарем не беа воопшто во добри односи поради тоа што целиот свој живот тој превземаше турски песни и ги препејуваше, додека мојата мајка Есма имаше става и сакаше да се пејат чисто ромски песни и ништо друго. Постоел само еден човек пред таа да се запознае со Стево теодосиевски, но тоа секако не бил Мухарем”, вели во демантот за Курир.рс, синот на Есма, Симеон Атанасов.
Извор:Музика24
ТУКА
