Албанскиот премиер Еди Рама на платформата „Тик Ток“ го објави моментот кога еден млад човек, учесник во протестот, се обидел да го извлече српското знаме поставено на јарбол на плоштадот „Народни херои“ среде Тирана.
Како што напиша Рама човекот успеал да скине половина од знамето, а останатото останало на столбот.
Младиот човек паднал од значителна висина, како што пишува Рама.
-Јас предавник а овој патриот така се паѓа а! Бог да ја спаси Албанија од будали“ напиша Рама.
Тој претходно одговори и на граѓанин поради поставените српски знамиња на булеварот наведувајќи дека кога и тој бил во Белград се виореле албански знамиња.
Како што јави агенцијата Балкан веб во Тирана вечерва запалено е српско знаме.
#Protests in #Albania against #Aleksandar #Vucic jump literally to another level🙈🙈🙈 #planetofapes pic.twitter.com/GlzeKQZLmY
— Aurel Boriçi (@AurelBoriciBT) December 20, 2021
