12.9 C
Ohrid
петок, април 4, 2025
ПочетнаМакедонијаИвана Ристовска, млада програмерка и вљубеничка во пчеларството, доби 10.000 евра од...

Ивана Ристовска, млада програмерка и вљубеничка во пчеларството, доби 10.000 евра од програмата „Млад земјоделец“

spot_imgspot_imgspot_imgspot_img
spot_img

Педесет млади земјоделци од вкупно 111 апликанти, добија финансиска поддршка во вредност до 10.000 евра по корисник. Средствата се обезбедени од Програмата за финансиска поддршка на руралниот развој, мерка 112 „Помош на млади земјоделци за започнување на земјоделска дејност“, пишува Агротим.Мк

<

Една од нив е Ивана Ристовска, голема вљубеничка во пчеларството и студентка на Факултетот за информатички науки и компјутерско инженерство (ФИНКИ).

„За повикот се информирав од пчеларските здруженија, а условите за аплицирањето воопшто не беа тешки“, ни објасни Ивана.

За Ивана пчеларството претставува една преубава професија, која треба сѐ повеќе да се негува. Ја прашавме како решила да почне да се занимава со одгледување пчели.

Веќе две години одгледувам пчели. Одлучив да почнам сосема случајно, читајќи многу литература, како и разни статии за функционирањето и организацијата на пчелните семејства. Сето тоа ме заинтересира и решив да пробам.“

Ивана има 21 сандак со пчели во чиста, еколошки незагадена средина во село Папрадиште, општина Чашка, засега произведува и продава само мед, а со добените средства од Програмата за финансиска поддршка на руралниот развој планира да го зголеми бројот на пчелни семејства и да ја прошири палетата на производи. Освен во насока на зголемување на бројот на пчелни семејства, нејзиниот деловен план е насочен кон набавка на сите потребни алатки и машини со кои ќе го олесни работењето, ќе го зголеми бројот на сандаци и ќе го модернизира процесот.

За Ивана пчеларството претставува една преубава професија и како што вели, „доколку навлезете малку повеќе во светот на пчелите, ќе видите всушност колку се тие уникатни и потребни за сите нас“.

На последниот повик за мерката 112 „Помош на млади земјоделци за започнување на земјоделска дејност“, пристигнаа 111 апликации. Од нив 50 апликанти ги исполнија условите и со нив ќе бидат потпишани договори за добивање финансиска поддршка во форма на неповратен грант, со вредност до 10.000 евра по корисник.
Овие средства се обезбедени од Програмата за финансиска поддршка на руралниот развој и претставуваат иницијална поддршка од државата за младите земјоделци да можат полесно да започнат сопствен бизнис, да создадат нови брендови на пазарот, да инвестираат во нови дејности преку кои ќе ги реализираат своите идеи.
Сите одобрени грантови, се врз основа на добри деловни планови кои имаат развојна компонента, го таргетираат домашниот пазар, користат сопствени ресурси и имаат компонента за модерно производство, со примена на добри земјоделски практики и грижа за животната средина.

Радува податокот што на последниот повик, подеднакво бил голем интересот и кај жените и кај мажите кои се на возраст до 40 години. При тоа, побарувањата за грант се од сите земјоделски гранки: млекарство, сточарство, пчеларство, овоштарство, винарство, производство на сточна храна како и набавка на земјоделска механизација.
Извор: Агротим.Мк

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Газда на „Поршето“ во Дебар маало е ексамбасадорот Срѓан Керим

Поршето паркирано во Дебар маало не е на полицаец, туку е во сопственост на Срѓан Керим, ексминистер за надворешни работи, амбасадор на Македонија во...

МВР: Санкциониран возачот С.К кој непрописно го паркирал возилото, внатрешната контрола при МВР го испитува случајот

Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало во...

Пецаков до СДСМ: Не е ни чудно што елементарната правна неписменост доаѓа од вашата партијата -Во мојот мандат се донесени само ДВА урбанистички планови...

По однос на “reels„ - от од СДСМ Охрид👇 Не е ни чудно што елементарната правна неписменост доаѓа од партијата која за свои лични интереси...

Грозоморен случај во Гостивар: 15 годишно момче извршило полов напад врз 5 годишно девојче !!!

СВР Тетово информира дека вчера (3.04.2025) во 23.30 часот полициски службеници од ОВР Гостивар, во присуство на неговата мајка, лишиле од слобода 15-годишен малолетник...