Султан Косен (39) е турски фармер кој боледува од гигантизам и акромегалија.
Неговата хипофиза е зафатена од тумор и лачи преголема количина на хормонот за раст. Благодарение на ова ретко пореметување, тој е највисокиот човек на светот според Гинис, висок е 2,51 метри..
Косен, има курдско потекло, вели дека со текот на времето се навикнал да биде толку висок, но признава дека тоа понекогаш му предизвикува тешкотии и непријатност.
Тој неодамна се развел од Сиријката Мерве Дибо која е висока 1.75 метри и отпатувал за Русија во обид да си најде сопруга која ќе му роди деца.
Во едно интервју тој изјавил дека најголем проблем со претходната сопруга била комуникацијата, бидејќи тој зборува турски, а неговата поранешна сопруга само арапски.
Косен е оптимист, вели дека за Русинките слушнал дека кога ќе се заљубат, вечно ги обожаваат своите избраници. Тој не верува дека ќе му биде тешко да си најде сопруга.
– Парите не ми се проблем. Би сакал да ја вратам идната жена во Турција. Живеам на историско место, на југоисток, но доста далеку од морето. Слушнав дека Русинките сакаат згодни, љубезни мажи. Би требало да биде лесно! – изјавил тој во едно интервју во понеделникот.
Извор: objektiv.rs
