Австралија одлучи: Ѓоковиќ мора веднаш да ја напушти земјата,инаку ќе биде депортиран

Конечната одлука на Австралија е српскиот тенисер Новак Ѓоковиќ да се депортира во Србија!

„Ова е најголемиот скандал во светот и во историјата на спортот“ пишуваат српските медиуми.

Визата на Новак Ѓоковиќ е одбиена, по шест часа распит на аеродромот во Мелбурн, каде пристигна за да игра на „Австралија опен“.

Тимот на Ѓоковиќ поднел барање за погрешна виза, која не го поддржува медицинското ослободување за вакцинација со која тој бараше да влезе во земјата.
Веста ја објави австралискиот новинар Пол Сакал, наведувајќи дека е потврдена од два негови извори. Тој наведе и дека Ѓоковиќ не се предава, а неговите адвокати работат на жалбата на оваа одлука.

„Адвокатите на Новак Ѓоковиќ ќе поднесат жалба. Ѓоковиќ не покажал доволно докази за неговото медицинско ослободување од вакцинација против коронавирусот“, напиша Сакал.

Новинарот Клинт Стенвеј исто така ги потврди овие наводи.

„Ѓоковиќ останува на аеродромот, визата му е поништена со одлука на австралиската гранична полиција. Претпоставувам дека тој ќе поднесе жалба на оваа одлука пред судовите на државата Викторија“, изјави Стенвеј.


Изввор: Бриф

ОСТАВИ КОМЕНТАР

Please enter your comment!
Please enter your name here