22.9 C
Ohrid
петок, јуни 14, 2024
ПочетнаМакедонијаПоради африканска свинска чума во Делчевскиот регион уништени 195 домашни свињи

Поради африканска свинска чума во Делчевскиот регион уништени 195 домашни свињи

По појавата на африканска свинска чума во делчевското село Драмче, во радиус од три километри до денеска уништени се вкупно 195 домашни свињи, односно со овој потег немаме ниту една жива свиња.

Направена е депопулација, со што труповите од овие животни се депонирани во сточна јама во Делчево каде се преземени сите мерки да не дојде до ширење на вирусот. Ова го истакна директорот на Агенцијата за храна и ветеринарство, Николче Бабовски на денешната прес-конференција организирана од Стопанската комора на Македонија на тема „Вонредни мерки за справување со прв случај на африканска свинска чума во Република Македонија”.

Во наредните денови, Бабовски соопшти дека ќе продолжи депопулацијата во радиус од десет километри во одгледувалиштата каде не можат да се спроведат био-сигурносни мерки или во одгледувалиштата во кои нема да дојде до случај да бидат дијагностицирани нови случаи на овој вирус.

– Нешто слично како и со КОВИД-от, овде немаме воопшто можност да се изврши вакцинирање или да се изврши тераписки третман, односно лекување на животните. Сигурен исход на животните заразени со овој вирус е леталниот исход – вели тој.

На ниво на цела држава, АХВ спроведува вонреден попис на сите одгледувалишта на свињи и проверка на веќе воспоставената категоризација за примена на безбедносните мерки. Во овој период воведена е забрана за какво било движење на приемливи животни, со исклучок на оние животни што со соодветна дозвола се носат на колење.

Бабовски додаде дека сите одгледувачи на свињи ќе бидат целосно обесштетени, односно средствата што ќе им бидат исплатени нема да бидат пониски од ценовникот на грлата.

Директорот на Агенцијата потенцираше дека месото добиено од свиња, со негативен резултат на африканската свинска чума не е опасно за консумирање.

Тоде Атанасов, претседател на Групацијата на производителите на свинско месо во своето обраќање истакна дека од 2019 до сега Владата ги нема преземено потребните мерки за заштита од вирусот, при што тие очекуваат од 50 до 60 милиони штета во свињарството.

– Во 2020 година според Заводот за статистика во државата произведени се 15.000 тони домашно месо. Со ова наше обраќање сакаме да посочиме дека овој проблем е голем и треба да се прифати од страна на државата како висок итен приоритет, додава Атанасов.

Бојан Ѓоргиевски, претставник на Групацијата на мали производители во Република Македонија вели дека со појавата на африканската чума мора да се спроведе постапката и да реализира итно покачување на био-сигурноста на фармите, постојани инспекции и забрана за дејност за сите оние кои ќе одбијат покачување на био-сигурност.

– Очекуваме нашите колеги фармери да ја согледаат оваа состојба и да соработуваат со властите, особено што никој нема да биде оштетен. Голем број на млади фармери се директно загрозени од оваа состојба. Тие својата егзистенција ја гледаат во нашата татковина и се надевам дека така ќе остане, додава тој.

Директорот на АХВ потенцираше дека не би требало да се соочиме со поскапување на свинското месо, бидејќи во моментов сезадоволени потребите на домашниот пазар. Тој информираше и дека во радиус од десет километри во делчевскиот регион во опасност се 741 грло, што ќе треба да влезат во процес на депопулација.

Првиот случај на африканска чума во државава беше потврден на 6 јануари оваа година во делчевското село Драмче.

Извор: МИА

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Седумте лица кои упаднаа во М-НАВ осудени условно: Немало докази дека била загрозена безбедноста

Основниот кривичен суд Скопје денеска донесе пресуди врз основа на предлог-спогодби со седум лица обвинети како соизвршители на кривично дело – Спречување на службено...

Презентирано првото албанско оклопно возило “ШОТА”

Албанската компанија „Тимак“ го комплетираше првото албанско оклопно возило, кое ќе биде претставено на изложбата за одбрана и безбедност „Еуросатори“ во Париз. Во претставувањето на...

Груевски распали по Јанкулоска: Ќе беше далеку похрабро ако таа побараше политички азил, отколку да мести други луѓе за да се спаси себеси

МАКЕДОНИЈА Груевски за Јанкулоска: Ќе беше далеку похрабро ако таа побараше политички азил, отколку да мести други луѓе за да се спаси себеси Автор: Деск 4NEWS.MK 14/06/2024 11:31 Во...

По 100 и 200 евра од општина Бутел за најдобрите основци

Под мотото „По правилниот пат чекорам” општина Бутел ја продолжува традицијата која ја започнаа минатите години и доделија парични ваучери на најдобрите ученици...