За четвртина милион долари двојките ќе можат да имаат „приватна вечера“ со бившиот претседател и „можност да купат дводневен престој во Мар-а-Лаго“.
Богатите поддржувачи на поранешниот американски претседател Доналд Трамп може да закажат вечера со него за 250.000 долари, а собраните пари ќе бидат вложени во неговата кандидатура за претседателските избори.
Акцијата за собирање средства, наречена „Форум на кандидати за враќање на Конгресот“, е закажана за 23 февруари на имотот на Трамп Мар-а-Лаго во Палм Бич, Флорида. Иако на настанот ќе присуствуваат републикански кандидати за Конгресот, собраните пари ќе бидат наменети исклучиво за кампањата на Трамп „Да ја направиме Америка пак голема, пак!“.
Привилегиите на присутните ќе зависат од тоа колку пари ќе платат. За 250.000 долари, паровите може да закажат приватна вечера со Трамп, да се фотографираат со него и добиваат можност да купат престој од две ноќи во Мар-а-Лаго.
За 100.000 долари паровите ќе се фотографираат со него, но ќе мора да вечераат со кандидатите за Конгресот, а не со поранешниот претседател.
За 5.000 долари гостите ќе добијат само вечера со кандидатите и „коментари“ од Трамп.
„250 илјади долари за *опција* да купите престој во Мар-а-Лаго?“, беа главно реакциите на Твитер. „Уау, мора да се дави во долгови“.
Претседателувањето на Трамп заврши во јануари 2021 година, но тој оттогаш остана активен во политиката. Невообичаено за поранешен претседател на САД, тој продолжува да одржува митинзи и да собира средства, и постојано навестува дека можеби повторно ќе се кандидира за претседател во 2024 година.
Мкд.Мк
