Канал 5 стапи во контакт со групата, па иако не сакаа јавно да говорат, потврдија дека конечно се мирни оти никој не ги вознемирува, па Шило Магазин дознава од сигурни извори дека моментално сево Кичево, сместени во едно селце каде што конечно го пронашле посакуваниот мир и спокојство.
По стартот на војната во Украина што доведе до раст на цените за живеачка, никому повеќе не му пречи присуството на групата од триесетина луѓе од еврејскиот култ „Лев тахор“, против кои само пред десетина дена имаше протести. По престојот во охридско Лакочереј, групата ја исполни желбата на селаните и на 7 март си замина од селото.
Мештаните кои протестираа велат дека за време на престојот полицијата редовно патролирала иако немало никакви инциденти. Според жителите, припадниците на „Лев тахор“ не се симнувале сред село.
Разговаравме со локалните власти кои не знаеја каде групата последно се сместила, а поради безбедносни причини надлежните не ја откриваат точната локација каде во моментот престојуваат припадниците на „Лев Тахор“, од кои петнаесетина се деца.
Откако поради непродолжен престој од Босна и Херцеговина пристигнаа во Македонија, групата првично се смести во куќа во Куманово, но не беа пречекани добро од страна на дел од жителите таму, по што дојдоа во Скопје. Оттука заминаа во Лакочереј каде останаа две недели. Инаку членовите на „Лев Тахор“ кои имаат право да останат во Македонија уште околу два месеца, или 90 дена по пристигнувањето.
