Тој и Гој се евровизиски фанови кои редовно објавуваат свои реакции на песните коишто се избрани за ова музичко натпреварување. Неодамна, тие го споделија своето мислење за годинашната песна на Андреа, но и раскажаа дека минатата година биле толку многу воодушевени од песната „Here I Stand“ на Васил Гарванлиев, што ја избрале како една од главните песни на нивната венчавка.
„Ако не сте првпат на нашиот канал, најверојатно се сеќавате на нашата реакција на минатогодишната песна на Северна Македонија и на начинот на којшто Васил направи да се чувствуваме.
Ние навивавме за него да има успех на Евровизија, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна.
Прекрасна. Таа беше една од главните песни на нашата венчавка. Ние сѐ уште сметаме дека Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме во моментот кога ќе го запознаеме“, раскажуваат Тој и Гој.
Слободен Печат
